L A N D S C H A F T S V E R B A N D     S T A D E :   S C H R I F T E N R E I H E



Wat wi mit düt Book wüllt



Ik bün al hier - Plattdüütsch Leesbook för School un Huus ut dat Land twüschen Elv un WeserDat gifft woll'n ganzen Bulten plattdüütsche Böker; man so'n Book mit'n Barg geschichten, Gedichten, Leder und Riemels ut dat Land twüschen Elv un Weser for School un huus hett noch fehlt. Un doorbi hett sik hiertolannen faken rutstellt, wo nödig dat to bruken weer.

Veer Schoolmesters hebbt nu so'ne Texten von 55 Schrieverslüüd tohoopsocht, un eener hett door feine Biller to maalt. As Rutgever hett de Landschaftsverband door woll besonners dat Tüüch for, hett he doch al in siene Statuten as eene von siene Opgaven de Pleeg von de nedderdüütsche Spraak fastleggt. Un just doorfor hett he bit nu al allerhand in Gang brockt. So roppt he jedet Jahr de Schoolmesterschen un Schoolmesters to'n Dagfahrt tosamen, wo se noch wat tolehren köönt över de Saak „Plattdüütsch in de School“. All twee Jahr gifft dat siet 1977 in us Küstenland 'n Wettstriet in plattüütsch Lesen for junge Lüüd twüschen acht und achteihn un ok in de Reeg „Kulturlandschaft“ jeden Sommer Opföhrungen von „Theater op'n Flett“, wo Spelers von männigeen lütte Speeldeel ut usen Landstreek mitmaakt.



Dacht is düt Book ganz besonners as Hülp for't plattdüütsche Lesen, Singen un Spelen von Deerns un Jungs bit to'n 7. Schooljahr. Dat Kultusministerium von Neddersassen hett utdrücklich de Richt wiest, dat Plattdüütsche in'n Ünnerricht nich to vergeten. So Mag jedereen insehn könen, dat doorfor ok gode Lesestoff bruukt ward. Un de liggt hier in negen Kapitel nu vor.



Das Buch „Ik bün al hier - Plattdüütsch Leesbook för School un Huus ut dat Land twüschen Elv un Weser“ (206 Seiten, zahlreiche Abbildungen, fester Einband) ist als Band 8 in der Schriftenreihe des Landschaftsverbandes Stade erschienen (ISBN 3-931879-00-3).


NÄHERES:  Landschaftsverband Stade, Im Johanniskloster, 21682 Stade, Telefon (04141)46300, Fax: (04141)47163, ( www.landschaftsverband-stade.de ), Bestellungen auch per



SEITENANFANG


SEITE SCHLIESSEN