BEO – De Plattlern-App is dor
Gode Narichten för all Lüüd, de ok geern digital Platt lehrn wüllt. Af nu gift dat BEO – de Plattlern-App. BEO – der fründliche Vagel – stüert di dör de App un de Lexen. He meckert bi Fehlers und fleut bi de richtige Antwoort. Wenn du dat goot maakst, denn slüppt an Enn ok en lütten BEO ut en Ei.
De App hett teihn Lexen. All de Lexen hebbt wat mit den normalen Alldag to doon. In Lex 1 stellt Beo sik un siene Familie vör. In Lex 2 geiht dat um Beos Tohuus. De Lexen 3,4 un 5 behanneln Beos Dag, siene Week und sien Johr. Later in Lex 6 hett Beo so ´n Smacht, dat he dann in Lex 7 glieks to´n Doktor mutt. In Lex 8 vertellt Beo wat över sien Freetiet und in Lex 9 geiht Beo op Reisen. In Lex 10 hölp Beo Lüüd wieter. Ünnerstüüt wart de Nutzer in all Lexen dör Audiobispeele, de extra för de App opnahmen warrn sünd.
In all de Lexen geiht dat um dat Snacken und dat Hören vun de Plattdüütsche Spraak. Wat för en Platt dat wenn schall, dat kann man an Anfung utsöken. Dat gifft en Version för Neddersassen un en Version för Mekelnborg-Vörpommern. Keen Lust hett noch mehr över Platt to lehrn, för de gifft dat bi Beo neven de Lektionen noch wat anners. So gifft dat en extra Rubrik „Grammatik“ för de Lüüd, de ehr Weten noch verdeepen wüllt. Ünner de Rubrik „Wissen“ is allerhand rund um de Plattdüütsche Spraak to finnen, to´n Bispeel de Geschicht vun de Spraak, rechtliche Achtergrünn und ok wat to de nedderdüütsche Literatur vun dat 8. bit to dat 21. Jahrhunnert.
Achter de Beo-App steiht söven Landschopen un Landschopsverbänn ut Neddersassen. Neven den Landschopsverbann Stood sünd dat de Ollenborgsche Landschop, des Eemslännische Landschop, de Lümborgsche Landschopsverbann, de Landschopsverbann Ossenbrügger Land, de Schaumborger Landschop und de Landschopsverbann Werser-Hunte. Fördert worrn is dat Projekt vun dat Ministerium för Wetenschop un Kultur. De didaktische und wetenschopliche Begleid hett de Universität Gerifswald maakt, technisch umsett hett de App de Markplatz GmbH ut Lümborg. De Projektleitung hett bit 2024 Inga Seba-Eichert maakt. Siet 2025 plegt Halldor Hoyer vun den Landschoopsverbann Stood de App.
De App steiht in den Google Play Store un in App Store (iOS) ünner „Platt mit BEO“ kostenlos to´n rünnerladen praat.
