Fördervereen för de plattdüütsche Sprook in ’n Landkreis Stood
Dor will de Vereen sik för insetten:
- Förderung von all de Initiativen, wo Kinner un junge Lüüd Plattdüütsch lehren köönt.
- Förderung von Projekten, de de plattdüütsch Sprook ünner de Lüüd bringen doot.
So köönt ji den Vereen to foten kriegen:
Plattdüütsch-Büro:
Isa Steffen: 04166-2079520
steffen@landschaftsverband-stade.de
Den iersten Vörsitter: Heinz Mügge
Tel: 04144-8050
Tweete Vörsitter: Gunter Armonat
Drütte Vörsitter: Klaus-Hinrich Breuer
Kassenföhrer: Simone Mügge
Schriftföhrer: Renate Kiekebusch
Bisitter: Uta Duckstein, Petra Kessler, Rolf-Dietrich Wahlen
Jedereen kann Mitglied warrn! De Johrsbidrag liggt bi 15,00 Euro.
| Kreissparkasse Stade – IBAN DE68 2415 1116 0000 3016 48 BIC: NOLADE21STK | Volksbank Stade – IBAN DE35 2419 1015 0007 0866 00 BIC: GENODEF1SDE |
Dormit wi no uns Telen (Ziele) hinkoomt, fördert uns Vereen Platt-Experten an Grundscholen un in Kinnergoorns in ’n Landkreis Stood. Siet 2011 giff dat en Arbeitgemeenschop „Plattdüütsch in Kinnergoorn un Speelkreise“. Hier dropt sik Erzieherinnen tweemol in `t Johr un snackt doröver, wi se Plattdüütsch mit de Kinner ineuvt.
Dorför hebbt wi Ünnerrichtsmateriol herstellt un betohlt Ünnerrichtsstünn von Platt-Experten in Scholen un Kitas. De Materiolien künnt bi dat Plattdüütsch-Büro bestellt warrn.
- Plattdüütsche Mapp för Kinnergoorns: Uns Vereen hett mit de Arbeitsgemeenschopp „Plattdüütsch in Kinnergoorn“ en Mapp mit allerhand Texte, Leders, Riemels un Bastelhülp rutgeven. De Mapp köst 15,00 €.
- Memory-Speel un Quartett-Speel op Platt- un Hochdüütsch: För junge un ole Lüüd hett uns Vereen en Memory-Speel mit 33 Begrepen (Derten un Soken) un en Quartett-Speel mit 32 Speelkorten opleggt. Jedet Speel köst 8,00 €.
- Leitfoden för Platt in ’n Kinnergoorn: Ut de Praxis för de Praxis. Dissen Leitfoden för Platt in ’n Kinnergoorn mit 21 Lekschonen gifft dat för 10,00 €.
- Book mit ole Wörr un Utdrück: Dormit de olen Wörr nich ünnergoht, hett uns Vereen en Sammlung „Ole plattdüütsche Wöör un Utdrück ut den Landkreis Stood“ rutgeven. Dat Book is nu utverköfft.
- CD mit 30 plattdüütsche Leder un Riemels: As Hülp för annere Kindergoorns, de ok mit Platt ünnerwegs sünd, hebbt wi en CD mit plattdüütsche Leder un Riemels, besungen von Kinner ut Kinnergoorns, opleggt. De CD köst 12,00 €.
- Förderung von Plattdüütsch-Ünnerricht: Gemeinsom mit den Landkreis Stood fördert wi den Ünnerricht von Plattdüütsch mit ehrenamtliche Platt-Experten in Kinnergoorns un Grundscholen. As Anreiz gifft dat för jede Schoolstünn 20,00 € as Utlogenersatz. Utkunft gifft dat Plattdüütsch-Büro.
„Plattdüütsch Wöörbook“ för LibreOffice
„De Plattdüütschen e.V.“ hebbt an’n 22. Dez. 2015 tosamen mit „The Document Foundation“ ut Berlin dat eerste Wöörbook för de plattdüütsche Spraak rutgeven.
Heiko Evermann ut Ellerau bi Quickborn un Jörn Knabbe ut Düünbeudel hebbt mit vele Helpslüüd nu in de niege Verschoon över 9500 Wöör un ok 50.000 Flexschonen opschreven. Dorbi hebbt se na de Schriefwies vun Sass un de vun dat INS arbeidt. Plattdüütsch is na de „Europääsch Charta vun de Regionalsproken in Düütschland“ een acht‘ twete Spraak un warrt in ganz Noorddüütschland un in de Länner blangenan snackt (Nedderlannen, Däänmark un Baltikum).
Meist warrt seggt, man schull in plattdüütsch ’so schrieven as man snackt‘. Dat helpt aver nich wieder, wiel jüst Anfängers faken nich seker sünd, op dat Woort würklich plattdüütsch is oder een ’sülvstmookten Import‘ ut hoochdüütsch. Dat is nu goot, dat een man gau nakieken kann. De plattdüütsche Wöörbook för dat wiet verbredd LibreOffice is daarum en wichtig Bedrag för de Pleeg un dat Vermiddeln vun düsse wunnerbore Spraak. Wi denkt, dat dormit noch mehr Plattsnackers de Kuraasch hebbt, jümehr egen Texten to schrieven un bekannt to maken.
Dat plattdüütsche Wöörbook gifft dat as Open Source mit GPL-Lizenz ünner düsse URL: https://extensions.libreoffice.org/extensions/rechtschreibpruefung-niederdeutsch
Dat Wichtigste ut de Statuten
Disse Nokieksel sünd Tosomenstellungen von unsen Vereen.
Eine Sammlung von Vogelnamen, hochdeutsch und plattdeutsch
Ole plattdüütsche Wöör un Utdrück ut den Landkreis Stood
